یاد قدیما

یاد اون روزها بخیر. وقتى من بچه بودم، مادرم یک تومن به من مى داد و مرا به فروشگاه مى فرستاد و من با ٣ کیلو سیب زمینى، دو بسته نان، سه پاکت شیر، یک کیلو پنیر، یک بسته چاى و دوازده تا تخم مرغ به خانه برمى گشتم. اما الان دیگه از این خبرها نیست... !همه جا توى فروشگاه ها دوربین گذاشته اند

 

جک 13

میگن تو بهشت وقتی‌سر کلاس می‌خوابی..استاد میاد پتو میندازه روت هیچکسم حرف نمیزنه تا تو راحت بخوابی  

حاجیاڵی

کابرایێک هه‌بو "حاجیاڵی" ناو بو، خه‌ڵکی ئه‌و وڵاتی باڵه‌کایه‌تیه بو، هه‌ژار که‌وتبو به هه‌ژاری که‌وتبووه سابڵاخ. به ئێواران ئه‌چو له مزگه‌وته‌کانا ده‌سته‌سڕێکی ڕائه‌خست و به دیاریه‌وه دائه‌نیشت بۆ ئه‌وه شتێکی بۆ بخه‌نه سه‌ر. له ئاخرا فێر ببو به مزگه‌وتی سور، هه‌مو نوێژی شێوان بۆ وێ ئه‌چو ، ده‌سته‌سڕه‌که‌ی ڕائه‌خست و له‌به‌ر خۆیه‌وه ئه‌یوت:
" حاجیاڵیمه، باڵه‌کیمه، ژن‌مردیمه، په‌ک که‌تیمه. یه‌کێ به‌خێرا بابی پیره‌داکێ، پیر خوشکێکی هه‌بێ وێم دا حه‌وپشتی ده‌چێته به‌حه‌شتێ!!!"

ئد سوني شافعيم

 

کاک شه‌فیق ئه‌یگێڕایه‌وه:
له تورکیه، له شوێنێنێکی ساز کردنی مۆبل(قه‌نه‌فه) کارم ده‌رد. خاوه‌ن کاره‌کان سێ برا بون، یه‌ک له یه‌کی موسڵمانتر. مانگی ڕه‌مه‌زان بو، چومه قاتی دوهه‌م و ده‌ستم کرد به سیگار کێشان. خاوه‌ن کاره‌که‌ هاته سه‌رێ و پرسی :"ئه‌وه چ ده‌که‌ی؟"
-          سیگار ده‌کێشم
-          بۆ به‌ڕۆژو نی؟
-          با . به‌ڵام ئێمه سوننی شافعین. له مه‌زهه‌نی شافه‌عی دا رۆژو به شتی ئیشک ناشکێ.(له تورکیه زۆرتر سوننی حه‌نه‌فین)
-          که وایه؟. ببوره نه‌مزانی.
ئاوا چاره‌ی سیگار کێشانی خۆم کرد. ڕۆژی دوایی له برسان نه‌مده‌زانی چ بکه‌م. شاگرد دوکانم نارد "بیسکویت"ی بۆ کڕیم. چومه سه‌رێ و خه‌ریکی خواردن بوم.خاوه‌ن کار هاته سه‌رێ و چاوی پێم که‌وت.قه‌ڵس بو:
-          ئه‌‌ی بۆ ده‌ڵێی به‌ڕۆژوم؟ ئه‌منت پێ که‌ره؟ چۆن شت ده‌خۆی و ده‌ڵێی به‌ڕۆژوم؟
-          پێم وا بێ له قسه‌ی من نه‌گه‌یشتویی. من وتم شافه‌عی مه‌زهه‌بم. به خواردنی شتی ئیشک ڕۆژوم ناشکێ. ئێستا ئه‌گه‌ر به جێی ئه‌و بیسکویته، باقله‌وا بوایه، ڕۆژوم ده‌شکا، به‌ڵام به بیسکویت ناشکێ.
-          ئاوا!! ببوره له بیرم نه‌بو. که‌وایه به‌رده‌وام به. خوا ڕۆژوت قه‌بوڵ کا.
خوا وه‌تحه‌سێنێ، ئه‌و مانگی ڕه‌مه‌زانه‌م به سیگار کێشان و بیسکویت خواردن له سه‌ر کار، له کۆڵ خۆم کرده‌وه.
 

ئاوده‌ست

 

کاک "ت" خۆشه‌ویستێکی قسه‌خۆش و حازر جوابه و چه‌ند ساڵێکه له سوێد ده‌ژی. منداڵه‌کانیشی بۆ قسه، که‌متر له بابیان نین. چه‌ند ساڵ له‌مه‌وبه‌ر له کلاسی ده‌رسدا مامۆستای منداڵه‌که‌ی به ته‌وسه‌وه‌ وتبوی:"ڕاسته ده‌ڵێن له وڵاتی ئێوه ئاوده‌ست نی‌یه؟"
-          به‌ڵی ڕاسته؟
-          ئه‌ی خه‌ڵک بۆ ئاوده‌ست چ ده‌که‌ن؟
منداڵه‌که وتبوی:"هیچ ناکه‌ن، سواری ته‌یاره ده‌بن، دێنه سوێد و لێره ده‌ڕین و ده‌ڕۆنه‌وه!!"
مامۆستا زانی له‌سه‌ری بڕوا وه‌ک خۆی لێ نایه‌ته‌وه، هه‌ر بێ ده‌نگ بو.

نموذج

له ڕشته‌ی مرواریدا هاتووه:
کوڕێک له سه‌رده‌می فه‌قێیایه‌تی، گه‌یشتبوه کتێبی "انموذج". هه‌ر که کتێبه‌که‌ی ئه‌گرت به ده‌سته‌وه خه‌وئ لێ ئه‌که‌وت! وه‌ختی سه‌ردانی ماڵی خۆیان هاتبو و چوه‌وه بۆ سه‌ردان. مانگایه‌کیان هه‌بو زۆر لاسار بو، نه‌یئه‌هێشت بیدۆشن، دایکی کوڕه به ته‌واوی به ده‌ستیه‌وه که‌وتبووه عه‌زیه‌ته‌وه.
ئه‌وا دایکی کوڕه مانگای هێناوه، گوێره‌که‌ی خستۆته به‌رده‌می، خۆشی گۆرانی بۆ ئه‌ڵێ که‌چی مانگا هه‌ر له‌قه ئه‌هاوێژێ و نایه‌ڵێ بیدۆشن. کوڕه‌ی فه‌قێ هه‌ر که چاوی به‌مه که‌وت خێرا چو "انموذج"ه‌که‌ی هێنا له به‌رده‌می مانگادا پانی کرده‌وه!
دایکی وتی: ئه‌وه چی ئه‌که‌ی ڕۆڵه؟ فه‌قێ وتی:
"دایه ده‌نگ مه‌که با خه‌وه‌که‌ی لێی نه‌ز‌ڕێ، هه‌ر ئێسته خه‌وی لێ ئه‌که‌وێ به ئاره‌زوی خۆت و به شێنه‌یی بیدۆشه، من هه‌مو جار که کتێبه‌که ئه‌گرم به ده‌سته‌وه خه‌وم لێ ئه‌که‌وێ، لێ گه‌ڕێ ئێسته ئه‌میش خه‌وی لێ ئه‌که‌وێ! هه‌ر تۆ ده‌نگ مه‌که با خه‌وه‌که‌ی نه‌زڕێ!!"
 

هيمن

له چێشتی مجێوری مامۆستا هه‌ژار چه‌ند بیره‌وه‌ریه‌ک له  مامۆستا هێمن ده‌گێڕێته‌وه. یه‌کیان ئه‌مه‌یه:
ڕۆژێک ڕه‌مه‌زان بو، مام هێمن له هه‌ولێره‌وه به‌ره‌و باڵه‌کایه‌تی دێت. له ناو ماشێن‌دا جغاره‌یه‌ک داده‌گیرسێنێ. هه‌رچی ده ماشێنه‌که‌دان – راننده‌ش ده‌گه‌ڵ- به گژی دادێن:
-          پیره‌مێرد! پێت له‌سه‌ر لێوی قه‌بره، له خوا ناترسی و به‌و ڕه‌مه‌زانه‌تیه ڕۆژو ده‌شکێنی؟
-          بۆچی کاکه پێتان وایه من کێم؟
-          چوزانین؟ پیره‌مێردێکی و به‌ڕۆژو نیت.
-          کاکه من فه‌له‌م، باوکی فه‌رانسۆ حه‌ریریم! کوڕم حاکمه له گه‌ڵاڵه و ده‌چم سه‌ری ده‌ده‌م!
-          ئه‌ی، مامه ده‌بێ بمان به‌خشی، نه‌مان زانی!
هێمن ده‌یگوت ئه‌وجار جغاره‌یان بۆ داده‌گیرساندم و ده‌یان دامێ، ئاویان بۆ ده‌هێنام که نه‌وه‌ک حاکمی کوڕم بزانێ و لێ‌یان توڕه بێ! فه‌رانسۆ نه‌قڵه‌که‌ی بیستبۆوه و ببوه مایه‌ی پێکه‌نین و ئێستاش(ساڵی 1984) هه‌ر ده‌ڵێ :"هێمنی باوکم!"

هيتلر

هیتلێر، پێشه‌وای ئاڵمانی نازی، سه‌ردانی شێتخانه‌یێکی کرد. هه‌مو شێته‌کان به‌و شێوه‌ی فێر کرابون، به‌ڕیز ڕاوه‌ستابون و سلاویان له هیتلێر ده‌کرد. به‌ڵام ئاخرکه‌س هیچ سڵاوی لێ نه‌کرد و ڕێزی بۆ دانه‌نا.
هیتلێر توڕه بو و هاواری کرد : نه‌زان! بۆ ڕێز بۆ من دانانێی؟
وه‌ڵامی دایه‌وه : قوربان، من شێت نیم، من په‌ره‌ستارم!!!

فه‌ردیناند میش

له چێشتی مجێور دا هاتووه:
"فه‌ردیناند میش" لاوێکی خه‌ڵکی لوکسه‌مبورگ بو، زۆر عاشقه کورد و کوردی بو. چه‌ند جارێک له شۆڕش دیبوم. کرمانجی وه‌ها ده‌گوت که‌س نه‌یده‌زانی کورد نی‌یه. ته‌نانه‌ت جارێک گوتی:"ئێوه که هه‌وقاڵانم ره‌گه‌ڵ ده‌خه‌ن بۆ سه‌فه‌ر، هیچ خزمه‌تم ناکه‌ن و جوابم ناده‌نه‌وه، چونکه لایان وایه ئه‌میش کوردێکم وه‌ک ئه‌وان!" ...
جا "فریناند" هاتوه بۆ پاریس منی په‌یدا کرده‌وه، هه‌ڵی پێچابوم ده‌بێ بچینه لوکسه‌مبورگ دایکم شیوت بۆ لێنێ!
-  کاکه فه‌ردیناند! پیاو شه‌ش سه‌د کیلۆمیتر بۆ شیوی دایکت سه‌فه‌ر ناکا!
فه‌ردیناند گوتی :"خه‌ریکم فارسی له لوکسه‌مبورگ ده‌خوێنم تا بچم له ئه‌فغانستان بگه‌ڕێم، به‌ڵام مامۆستاکه‌مان کوردێکی بیژوه!
-  به چی ده‌زانی؟
-  رۆژێک وسه‌یه‌کی کوردی گوت، گوتم:"ئه‌وه کوردیه، تۆ کوردی؟" گوتی :"نا فارسم، به‌ڵام تۆزێک کوردی فێر بوم"، گوتم:"فارس به لایه‌وه عه‌یبه فێری زمانی کوردی بێ،تۆ کوردی و لات وایه عه‌یبه راستی خۆت بڵێی" راستی ئه‌ویش به‌رازه‌که!